አቶ ሐብታሙ አያሌው ዛሬ ፍ/ቤት ይቀርባሉ (በዘሪሁን ሙሉጌታ )

Habtamu Ayalew የአንድነት ፓርቲ ብሔራዊ ም/ቤት አባልና የፓርቲው ምክትል የሕዝብ ግኝኑነት ኃላፊ የሆኑት አቶ ሐብታሙ አያሌው በዛሬው እለት ፍርድ ቤት ይቀርባሉ።  አቶ ሐብታሙ ከአንድ ዓመት በፊት ታህሳስ 16 ቀን 2005 ዓ.ም አንድን ግለሰብ “አንተ የወያኔ ካድሬ አንገትህን ነው የምቆርጥህ ብለው ዝተውብኛል” በማለት የቀረበባቸውን የዛቻ ክስ ለመከላከል በዛሬው እለት በፌዴራሉ የመጀመሪያ ፍ/ቤት አራዳ ምድብ ችሎት የመከላከያ የሰው ምስክሮችንና የሰነድ ማስረጃ ይዘው ይቀርባሉ።  አቶ ሐብታሙ በክሱ ላይ ባለፈው አንድ ዓመት አካባቢ ለአምስት ጊዜያት ያህል ፍ/ቤት መቅረባቸውን የገለፁ ሲሆን ከእሳቸው ጋር ተባባሪ ተብለው የተከሰሱ ሁለት ሰዎች መከላከል ሳያስፈልጋቸው በነፃ መሰናበታቸውንና እሳቸው ግን መከላከል እንዳለባቸው ፍ/ቤቱ በመበየኑ መከላከያቸው ዛሬ ጥቅምት 13 ቀን 2006 ዓ.ም ፍ/ቤት ቀርበው እንደሚያሰሙ አስታውቀዋል።  የክሱ አቤቱታ የቀረበባቸው የባለ ራዕይ ማህበር ፕሬዝዳንት በነበሩበት ወቅት ዛቻ ተፈፅሞብኛል ያሉት ግለሰብ ዘጠኝ ሰዎችን በቡድን ይዘው በመምጣት የአባልነት ጥያቄ ቢያቀርቡም የማህበሩ አባል ለመሆን በቡድን ሕጉ ስለማይፈቅድ በግለሰብ አባል እንዲሆኑ ከማሳሰብ ባለፈ ዛቻ አለመፈፀማቸውንና ሰዎችም ላይ ለመዛትም የግል ስብዕናቸው እንደማይፈቅድ ተናግረዋል።  ክሱም የፖለቲካ እንቅስቃሴያቸውን ለመንካት ከሚደረግባቸው ጫናዎች መካከል አንዱ ሊሆን እንደሚችልም ያላቸውን ጥርጣሬ ገልጸዋል።  አቶ ሐብታሙ ቀደም ሲል በወጣቶች የፌዴሬሽን አመራርነት በኢህአዴግ አባልነትና በልዩ ልዩ አመራርነትና የቦርድ አባልነት ደረጃ ሲንቀሳቀሱ ቆይተው በኋላም ከኢህአዴግ በኀሳብ በመለየት ባለራዕይ የወጣቶች ማህበር ካቋቋሙ በኋላ እንደገና ከማህበሩ አመራርነት በመልቀቅ አንድነት ፓርቲን መቀላቀላቸው ይታወሳል።

Advertisements

One thought on “አቶ ሐብታሙ አያሌው ዛሬ ፍ/ቤት ይቀርባሉ (በዘሪሁን ሙሉጌታ )

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s